அடுத்த டெஸ்ட் சாம்பியன்ஷிப் போட்டிக்காக இந்திய அணி விளையாட உள்ள போட்டிகள் குறித்த அறிவிப்பு வெளியாகியுள்ளது.
உலக அளவில் கிரிக்கெட் போட்டிகளில் முன்னணியில் உள்ள நாடுகளில் இந்தியா முக்கியமான ஒன்று. இந்திய கிரிக்கெட் அணி சர்வதேச அளவில் டெஸ்ட், ஒருநாள் போட்டிகள், டி20 என பல ஃபார்மெட்டுகளிலும் விளையாடி வருகிறது.
இந்நிலையில் 2023-2025ம் ஆண்டிற்கான டெஸ்ட் போட்டிகள் குறித்த அறிவிப்பு வெளியாகியுள்ளது. இதில் இந்திய அணி அடுத்த 3 ஆண்டுகளுக்குள் 19 டெஸ்ட் போட்டிகளில் விளையாட உள்ளது.
இந்தியாவில் நடைபெறும் டெஸ்ட் போட்டிகளில் இங்கிலாந்து (5 போட்டிகள்), வங்கதேசம் (2 போட்டிகள்), நியூசிலாந்து (3 போட்டிகள்) ஆகிய அணிகளை இந்தியா சொந்த மண்ணில் எதிர்கொள்கிறது. இதுதவிர ஆஸ்திரேலியா (5 போட்டிகள்), தென்னாப்பிரிக்கா (2 போட்டிகள்), மேற்கிந்திய தீவுகள் (2 போட்டிகள்) ஆகிய நாடுகளுக்கு இந்தியா பயணம் செய்து விளையாட உள்ளது.
