நடந்து முடிந்த உலகக் கோப்பை தொடரில் 7 போட்டிகளில் மட்டுமே விளையாடி 24 விக்கெட்களை வீழ்த்தினார் முகமது ஷமி. 2015 ஆம் ஆண்டு உலகக் கோப்பையில் 15விக்கெட்களையும், 2019 ஆம் ஆண்டு உலகக் கோப்பையில் 16 விக்கெட்களையும் வீழ்த்தினார். இதன் மூலம் உலகக் கோப்பை தொடர்களில் அவர் மொத்தமாக 55 விக்கெட்களை வீழ்த்தி அசத்தியுள்ளார்.
இந்த தொடரின் ஆரம்பத்தில் அவரை அணிக்குள் எடுக்க ரோஹித் ஷர்மாவும் ராகுல் டிராவிட்டும் தயங்கினர். இதனால் முதல் நான்கு போட்டிகளில் அவர் விளையாடவில்லை. அதன் பிறகு வந்ததும் 3 போட்டிகளில் 5 விக்கெட்கள் வீழ்த்தி கலக்கினார்.
தொடர்ந்து சிறப்பாக விளையாடிவரும் ஷமிக்கு இப்போது அர்ஜுனா விருது பரிந்துரை செய்யப்பட்டுள்ளதாக ஒரு தகவல் வெளியாகியுள்ளது. இந்தியாவில் விளையாட்டில் சிறப்பாக செயல்பட்டு வரும் வீரர்களுக்கு வழங்கப்படும் உயரிய விருதுகளில் ஒன்றாக அர்ஜுனா விருது உள்ளது என்பது குறிப்பிடத்தக்கது.
