பென்ச்சில் உட்கார வைக்கப்பட்டதில் எனக்கு வருத்தம் இல்லை… ஆட்டநாயகன் ஷமி!

நேற்று நடந்த இந்தியா vs நியுசிலாந்து போட்டியில் இந்தியா சார்பில் முகமது ஷமி 5 விக்கெட்களை வீழ்த்தி அசத்தினார். உலகக் கோப்பை தொடரில் முதல் நான்கு போட்டிகளிலும் அணியில் எடுக்கப்படாத முகமது ஷமி முதல் முறையாக நேற்று அணியில் எடுக்கப்பட்டார். தான் தேர்வு செய்யப்பட்ட முதல் போட்டியிலேயே தன்னை நிருபித்து 5 விக்கெட்களை வீழ்த்தி ஆட்டநாயகனாகவும் தேர்வு செய்யப்பட்டுள்ளார்.

ஆட்டநாயகன் விருது பெற்ற பின்னர் பேசிய அவர் “உலகக் கோப்பை தொடரின் வீசிய முதல் பந்திலேயே விக்கெட் வீழ்த்தியது நம்பிக்கை அளித்தது. அணியின் நலனுக்காக நான் உட்காரவைக்கப்பட்டதில் எந்த வருத்தமும் ஏமாற்றமும் இல்லை” எனக் கூறியுள்ளார்.

ஷமி இதுவரை 12 உலக கோப்பை போட்டிகளில் விளையாடி 36 விக்கெட்கள் வீழ்த்தி உலகக் கோப்பை தொடரில் அதிக விக்கெட்கள் வீழ்த்திய இந்திய பவுலர்கள் வரிசையில் மூன்றாம் இடத்துக்கு முன்னேறியுள்ளார். அவருக்கு முன்னர் ஜாகீர் கான் மற்றும் ஜவகல் ஸ்ரீநாத் ஆகியோர் 44 விக்கெட்களோடு முதல் இடத்தில் உள்ளனர்.