இந்தியா மற்றும் நியுசிலாந்து அணிகளுக்கு இடையிலான மூன்று போட்டிகள் கொண்ட டெஸ்ட் தொடர் தற்போது நடைபெற்று வருகிறது. பெங்களூருவில் நடந்த முதல் டெஸ்ட் போட்டியில் நியுசிலாந்து அணி 8 விக்கெட் வித்தியாசத்தில் வெற்றி பெற்றது.
இலங்கைக்கு எதிரான டெஸ்ட் தொடரை நியுசிலாந்து அணி 0-2 என்ற கணக்கில் இழந்தது. இதனால் உலக டெஸ்ட் சாம்பியன்ஷிப் தொடரில் 6 ஆவது இடத்துக்குத் தள்ளப்பட்டுள்ளது. இந்நிலையில் இந்திய அணிக்கெதிரான இந்த வெற்றி அந்த அணிக்கு நம்பிக்கை அளித்துள்ளது. மேலும் ஆறாவது இடத்தில் இருந்து நான்காவது இடத்துக்கு முன்னேறியுள்ளது.
முதல் டெஸ்ட் போட்யில் கிரோயிங் இஞ்சுரி காரணமாக விளையாடாத கேன் வில்லியம்சன் இரண்டாவது டெஸ்ட் போட்டியிலும் விளையாட மாட்டார் என அந்நாட்டு கிரிக்கெட் வாரியம் அறிவித்துள்ளது. இது நியுசிலாந்து அணிக்குப் பின்னடைவாக அமைந்துள்ளது.
