இந்திய அணி ஜிம்பாப்வேக்கு சுற்றுப்பயணம் மேற்கொண்டு மூன்று ஒருநாள் போட்டிகளில் விளையாட உள்ளது.
ஜிம்பாப்வே செல்லும் தொடருக்கான இந்திய அணி சமீபத்தில் அறிவிக்கப்பட்டது. இந்த தொடரில் கோஹ்லி இடம்பெறுவார் என எதிர்பார்க்கப்பட்ட நிலையில் அவர் இடம்பெறவில்லை. அதுமட்டுமில்லாமல் முன்னணி வீரர்கள் பலருக்கும் ஓய்வளிக்கப்பட்டுள்ளது. இந்த இளம் அணிக்கு ஷிகார் தவான் கேப்டனாக நியமிக்கப்பட்டு இருந்தார்.
இந்நிலையில் இப்போது இந்த தொடருக்கான அணியில் கே எல் ராகுல் திடீரென்று சேர்க்கப்பட்டுள்ளார். மேலும் அவர் கேப்டனாகவும் நியமிக்கப்பட்டுள்ளார். முன்னர் கேப்டனாக அறிவிக்கப்பட்ட ஷிகார் தவான் தற்போது துணைக் கேப்டனாக மாற்றப்பட்டுள்ளார்.
இந்நிலையில் இந்த போட்டிகளை ஒளிபரப்ப எந்த முன்னணி தொலைக்காட்சி சேனல்களும் முன்வரவில்லை என்று சொல்லப்படுகிறது. ஜிம்பாப்வேக்கு எதிராக நட்சத்திர வீரர்கள் இல்லாத அணி விளையாடுவதை பார்க்க ரசிகர்கள் மத்தியில் ஆர்வம் இருக்காது என சொல்லப்படுகிறது. இதனால் போட்டிகளை தூர்தர்ஷன் மூலம் ஒளிபரப்ப பிசிசிஐ முடிவு செய்துள்ளதாக சொல்லப்படுகிறது. ஏற்கனவே இந்திய வெஸ்ட் இண்டீஸ் தொடரும் இதுபோல தூர்தர்ஷனில்தான் ஒளிபரப்பானது என்பது குறிப்பிடத்தக்கது.
