இங்கிலாந்து அணிக்கு எதிரான முதல் இரண்டு டெஸ்ட் போட்டிகளில் விளையாடி முடித்துள்ள இந்திய அணி மூன்றாவது டெஸ்ட் போட்டிக்கு தயாராகி வருகிறது. கடைசி மூன்று டெஸ்ட் போட்டிகளுக்கான இந்திய அணி அறிவிக்கப்பட்டுள்ளது.
இரண்டாவது டெஸ்ட்டில் காயம் காரணமாக விலகிய கே எல் ராகுல் மீண்டும் மூன்றாவது டெஸ்ட் போட்டியில் அணியில் இணைந்தார். ஆனால் இப்போது அவர் மூன்றாவது டெஸ்ட் போட்டியில் இருந்து விலகியுள்ளார். அவருக்கு பதிலாக இளம் கிரிக்கெட் வீரரான தேவ்தத் படிக்கல் அணியில் இணைந்துள்ளார்.
இந்நிலையில் இந்திய அணியில் விக்கெட் கீப்பராக துருவ்ஜூரல் மூன்றாவது டெஸ்ட் போட்டியில் அறிமுகமாக அதிக வாய்ப்புள்ளதாக சொல்லப்படுகிறது. கே எஸ் பரத்துக்கு இதுவரை பல வாய்ப்புகள் கொடுத்தும் அவர் தன்னை நிரூபிக்கும் விதமாக ஒரு இன்னிங்ஸ் கூட விளையாடவில்லை. அதனால் துருவ் ஜூரலுக்கு வாய்ப்பளிக்கப்படலாம் என சொல்லப்படுகிறது. இதை உறுதிப்படுத்துவது போல ராஜ்கோட்டில் துருவ் ஜுரல் விக்கெட் கீப்பிங்குக்கான பயிற்சிகளை மேற்கொண்டுள்ள புகைப்படமும் வெளியாகியுள்ளது.
