இந்திய ஆஸ்திரேலியா தொடரை வெல்லப் போவது யார்? – கில்கிறிஸ்ட்டின் கருத்து!

ஆஸ்திரேலியா கிரிக்கெட் அணி இந்தியாவில் சுற்றுப் பயணம் செய்து, 4 டெஸ்ட், 3 ஒரு நாள் போட்டிகள் கொண்ட தொடரில்  விளையாடவுள்ளது. இந்த நிலையில், இந்தியா – ஆஸ்திரேலியா அணிகளுக்கு இடையேயான தொடர் வரும் 9 ஆம் தேதி  நாக்பூரில் நடக்கவுள்ளது.

இந்த தொடர் மிகுந்த எதிர்பார்ப்பை ஏற்படுத்தியுள்ளது. இந்த தொடரில் 3 போட்டிகளையாவது வென்றால்தான் டெஸ்ட் சாம்பியன்ஷிப் இறுதிப் போட்டிக்கு தகுதி பெற முடியும். இந்நிலையில் இந்த தொடர் பற்றி  முன்னாள் ஆஸ்திரேலியா விக்கெட் கீப்பர் ஆடம் கில்கிறிஸ்ட் கருத்து தெரிவித்துள்ளார்.

அதில் “இந்த தொடரை ஆஸ்திரேலிய அணி வெல்லவே அதிக வாய்ப்புள்ளதாக நான் நினைக்கிறேன்.  டெஸ்ட் போட்டிகளில் ஆஸி. அணி வலுவாக உள்ளது. அதனால் இந்திய அணியை வீழ்த்துவதில் ஆஸி அணிக்கு கடினமானதாக இருக்காது” எனக் கூறியுள்ளார்.