அறிவு இல்ல...? ஒரு தடவை சொன்னா புரியாதா உங்களுக்கெல்லாம்... மானஸ்வியின் வைரல் வீடியோ!

ஊரடங்கு உத்தரவை மதிக்காமல் சுற்றி திரிபவர்களை வெளுத்து வாங்கும் குட்டி மானஸ்வி

சீனாவின் வுஹான் நகரில் கடந்த ஆண்டு டிசம்பர் மாதம் தோன்றிய கொரோனா வைரஸ் படிப்படியாக பரவி அமெரிக்கா, இத்தாலி, இங்கிலாந்து, ஈரான், ஸ்பெயின் உள்ளிட்ட 160 க்கும் மேற்பட்ட நாடுகளில் உள்ள மனித இனத்திற்கு பெரும் அச்சுறுத்தலை ஏற்படுத்தியுள்ளது. இதனால் இந்தியா உட்பட பல்வேறு நாடுகளில் ஊரடங்கு உத்தரவு பிறப்பித்துள்ளார்.

ஆனால், ஒரு சில பொது மக்கள் அதனை சரியாக பின்பற்றாமல். வைரஸின் தாக்கத்தை பற்றி கொஞ்சமும் யோசிக்காமல் காவல்துறையினருக்கு ஒத்துழைப்பு கொடுக்காமல் வாகனங்களில் சுற்றி திரிந்து வருகின்றனர். இதனால் போலீஸ் அதிகாரிகள் தடியடி நடத்தி அவர்களை வீட்டுக்கு செல்லுமாறு அறிவுறுத்தி வருகின்றனர்.

இந்நிலையில் இது குறித்து இமைக்கா நொடிகள் படத்தின் குழந்தை நட்சத்திரம் மானஸ்வி பேசியுள்ள வீடியோ இணையத்தில் வெளியாகி வைரலாகி வருகிறது. இந்த வீடியோவில் கொரோனா வைரஸ் ஊரடங்கு உத்தரவுக்கு கட்டுப்படாமல் சுற்றித்திரியும் நபர்களை விழித்து வாங்குகிறார் குட்டி மானஸ்வி. இதோ அந்த வீடியோ...