ஓவர் எதிர்பார்ப்பு… இன்னும் வியாபாரம் ஆகாமல் இருக்கும் விஜய்யின் “The GOAT” படம்!

விஜய், தற்போது இயக்குனர் வெங்கட் பிரபு இயக்கத்தில் The Greatest Of All Time என்ற படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.

இந்த படத்தின்  ஷூட்டிங் சென்னை மற்றும் தாய்லாந்து ஆகிய இடங்களில் நடந்தது. தற்போது ஐதராபாத்தில் முக்கியமானக் காட்சிகளை படமாக்கி வருகிறார் இயக்குனர் வெங்கட் பிரபு. இப்போது சென்னை கோவளம் பகுதியில் முக்கியமானக் காட்சிகள் படமாக்கப்பட்டு வருகின்றன.

இந்நிலையில் இந்த படத்தின் ஆடியோ உரிமை தவிர வேறு எந்த உரிமையும் இன்னும் விற்பனை ஆகவில்லையாம். அதற்குக் காரணம் படத்தின் தயாரிப்பாளர்கள் மிகப்பெரிய தொகையை விலையாக நிர்ணயித்து இருக்கிறார்களாம். இதனால் படத்தின் பிஸ்னஸ் இன்னும் தொடங்கப்படவில்லை என சொல்லப்படுகிறது.