கோட் படத்தின் பேனர்களில் கட்சிப் பெயரை பயன்படுத்தக் கூடாது… ரசிகர்களுக்கு விஜய் அட்வைஸ்!

விஜய் நடித்துள்ள கோட் (the greatest of all time) திரைப்படம் வரும் செப்டம்பர் 5ஆம் தேதி வெளியாக இருக்கும் நிலையில் இந்த படத்தின் படப்பிடிப்பு முடிவடைந்து தற்போது விறுவிறுப்பாக கிராபிக்ஸ் பணிகள் உட்பட தொழில்நுட்ப பணிகள் நடைபெற்று வருகின்றன. இந்த படத்தில் விஜய்யோடு பிரசாந்த், பிரபுதேவா, மீனாட்சி சௌத்ரி மற்றும் சினேகா உள்ளிட்டவர்கள் நடித்துள்ளனர்.

இந்த படத்தின் மூன்று பாடல்கள் இதுவரை வெளியாகி ரசிகர்கள் மத்தியில் கலவையான விமர்சனங்களைப் பெற்றுள்ளன. வழக்கமாக விஜய் படங்களில் பாடல்கள் ரசிகர்களை வெகுவாகக் கவரும். ஆனால் இந்த படத்தில் விஜய் ரசிகர்களே பாடல்கள் நன்றாக இல்லை என்று சொல்ல ஆரம்பித்துள்ளனர்.

ஆனாலும் படத்தின் மீதான எதிர்பார்ப்பு ரசிகர்கள் மத்தியில் அதிகமாக உள்ளது. படத்தின் ரிலீஸுக்கு இன்னும் ஒரு மாதமே உள்ள நிலையில் ரசிகர்கள் படத்தின் போஸ்டர்கள் மற்றும் பேனர்களை அடிக்க ஆரம்பித்துள்ளனர். இது சம்மந்தமான போஸ்டர்களில் விஜய்யின் கட்சியான தமிழக வெற்றிக் கழகம் என்ற பெயர் இடம்பெறக் கூடாது என விஜய் ரசிகர் மன்ற நிர்வாகிகளுக்கு அறிவுறுத்தியுள்ளதாக சொல்லப்படுகிறது.