கே.வி.ஆனந்த் இயக்கத்தில் விஜய்சேதுபதி, டி.ராஜேந்தர், மடோனா செபாஸ்டியன் நடித்த 'கவண்' திரைப்படம் கடந்த வெள்ளியன்று வெளியாகியது. இந்த படம் அனைத்து தரப்பினர்களையும் கவர்ந்து பாசிட்டிவ் ரிசல்ட்டை பெற்று வந்துள்ள நிலையில் இந்த படத்தின் முதல் நாள் வசூல் ரூ.3 கோடியை தாண்டிவிட்டதாகவும் செய்திகள் வெளிவந்துள்ளது.
இந்த நிலையில் இந்த படத்திற்கு அமெரிக்க அதிபர் டொனால்ட் டிரம்ப் தனது டுவிட்டரில் பாராட்டியதாக செய்திகள் வந்தது. அவர் தனது டுவிட்டரில் "நான் சொன்னது போலவே கவண் படத்தை சிறப்பாக எடுத்திருக்கிறீர்கள்" என்று குறிப்பிடப்பட்டிருந்தது.
ஆனால் அதன்பின்னர் தான் அந்த டுவிட்டர் கணக்கு டிரம்பின் போலி கணக்கு என தெரியவந்தது. இதுகுறித்து கே.வி.ஆனந்த் தனது டுவிட்டரில் "டிரம்ப் தலைலேயே கைவெச்சிட்டீங்களா?" என ஆதங்கத்துடன் குறிப்பிட்டுள்ளார்.