அஜித் நடித்துள்ள துணிவு திரைப்படம் ஜனவரி 12 ஆம் தேதி வெளியாகும் என எதிர்பார்க்கப்படுகிறது.
அஜித் நடித்த துணிவு திரைப்படம் வரும் பொங்கல் தினத்தில் வெளியாக இருக்கும் நிலையில் ஏற்கனவே சில்லா சில்லா என்ற பாடல் ரிலீஸானது. இந்த படத்தில் இடம்பெற்ற அடுத்த பாடலான காசேதான் கடவுளடா என்ற பாடல் சில தினங்களுக்கு முன்னர் வெளியாகியுள்ளது. இந்த இரு பாடல்களும் ஹிட்டாகியுள்ள நிலையில் விரைவில் அடுத்தடுத்த பாடல்கள் மற்றும் டிரைலர் ஆகியவை வெளியாகும் என எதிர்பார்க்கப்படுகிறது.
இந்நிலையில் இப்போது தெலுங்கில் வெளியாகும் துணிவு படத்தின் முதல் லுக் போஸ்டர் வெளியாகியுள்ளது. அதில் படத்தின் தலைப்பு தெகிம்பு (Tegimpu) என அறிவிக்கப்பட்டுள்ளது. தெலுங்கில் தெகிம்பு என்ற வார்த்தைக்கு தைரியம் என்று பொருள் என்பது குறிப்பிடத்தக்கது.
இந்நிலையில் இந்த படத்தில் இணைந்துள்ளதாக விஜய் டிவி புகழ் நகைச்சுவை நடிகர் தங்கதுரை நடித்துள்ளதாகவும், இயக்குனர் ஹெச் வினோத்துடன் அவர் எடுத்த புகைப்படத்தையும் வெளியிட்டுள்ளார்.
