ரஜினிகாந்தின் ஜெயிலர் படத்தில் விருப்பப்பட்டு இணைந்த தமன்னா!

நடிகை தமன்னா ரஜினிகாந்தின் ஜெயிலர் படத்தில் நடிக்க உள்ளார் என்ற தகவல் கடந்த சில தினங்களாக சமூகவலைதளங்களில் பரவி வருகின்றன.

இயக்குனர் நெல்சன் இயக்கத்தில் ரஜினிகாந்த் நடிக்கும் படத்துக்கு டைட்டில் ”ஜெயிலர்” என்று வைக்கப்பட்டுள்ளது. போஸ்டரில் ரஜினி, நெல்சன் மற்றும் அனிருத் பெயர் தவிர மற்றவர்கள் பெயர் இடம்பெறவில்லை. சமீபத்தில் கன்னட நடிகர் சிவராஜ்குமார் நடிப்பது கிட்டத்தட்ட உறுதியாகியுள்ளது. மேலும் ஐஸ்வர்யா ராய், பிரியங்கா மோகன் ஆகியோர் நடிப்பதாக சொல்லப்படுகிறது.

இந்நிலையில் கடந்த இரு நாட்களுக்கு முன்னர் ஷூட்டிங் தொடங்கி நடந்து வரும் நிலையில் படத்தில் தமன்னா நடிப்பதாக ஒரு தகவல் பரவி வருகிறது. இதுபற்றி இப்போது மேலதிக விவரங்கள் வெளியாகியுள்ளன. படத்தில் தமன்னா ஒரு கெஸ்ட் ரோலில்தான் நடிப்பதாக சொல்லப்படுகிறது. ரஜினிகாந்த் படத்தில் நடிக்க வேண்டும் என்பதற்காக தமன்னா விருப்பப்பட்டு கேட்டுக்கொண்டு ஜெயிலர் படத்தில் நடிப்பதாக சொல்லப்படுகிறது.