இறுதிக் கட்டத்தில் சிவகார்த்திகேயனின் அமரன் ஷூட்டிங்!

சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் கமல்ஹாசனனின் ராஜ்கமல் இண்டர்நேஷனல் மற்றும் சோனி பிக்சர்ஸ் நிறுவன ட்தயாரிப்பில் உருவாகி வரும் அமரன் திரைப்படத்தின் டீசர் வெளியாகி வரவேற்பையும் விமர்சனங்களையும் பெற்றது. இந்த திரைப்படம் சென்னையைச் சேர்ந்த மறைந்த கேப்டன் முகுந்த் வரதராஜனின் கதை என்று சொல்லப்படுகிறது.

அமரன் திரைப்படத்தின் படப்பிடிப்பு காஷ்மீர் ஏராளமான காட்சிகள் படமாக்கப்பட்ட நிலையில் இந்த படத்தின் டீசரில் இருந்து இது காஷ்மீர் தீவிரவாதிகளின் கதை என்றும் காஷ்மீரில் உள்ள அப்பாவி பொதுமக்களை இந்திய ராணுவ வீரர்கள் தங்கள் உயிரைக் கொடுத்து எப்படி காப்பாற்றுகிறார்கள் என்பதை கதையம்சம் கொண்டதாக இருக்கும் என்று தெரிகிறது. இந்த படத்துக்கு இதுவரை சிவகார்த்திகேயன் படத்துக்கு இல்லாத அளவுக்கு 60 கோடி ரூபாய்க்கு விற்பனை ஆகியுள்ளதாக சொல்லப்படுகிறது.

இந்த படத்தில் நடித்துக் கொண்டிருக்கும்போதே திடீரென சிவகார்த்திகேயன் ஏ ஆர் முருகதாஸ் படத்தில் நடிக்க சென்றார். இதற்கிடையில் மீண்டும் தொடங்கிய அமரன் ஷூட்டிங் மூனார், ஊட்டி மற்றும் சென்னை ஆகிய இடங்களில் விறுவிறுப்பாக நடந்து வருகிறது. இன்னும் ஒரு வாரம் மட்டுமே ஷூட்டிங் மீதமுள்ளதாக சொல்லப்படுகிறது.