கை வந்த கலை பள்ளி தொடங்க சாயிஷா திட்டம்

நடிகை சாயிஷா சைகல் மும்பையில் சொந்தமாக நடனப் பள்ளி தொடங்க திட்டமிட்டுள்ளார்.

வனமகன் திரைப்படம் மூலம் தமிழ் சினிமாவில் அறிமுகமானவர் நடிகை சாயிஷா சைகல். இவர் விஜய் சேதுபது நடிப்பில் வெளியாக உள்ள ஜூங்கா திரைப்படத்தில் நடித்துள்ளார். கார்த்தி நடிக்கும் கடைக்குட்டி சிங்கம் மற்றும் ஆர்யா நடிக்கும் கஜினிகாந்த் ஆகிய படங்களில் நடித்து வருகிறார்.

இந்நிலையில் இவர் தமிழ் சினிமாவுக்கு மட்டுமே முக்கியத்துவம் கொடுக்க முடிவு செய்துள்ளார். மற்ற நடிகைகள் போல இவருக்கு கதாநாயகிக்கு முக்கியத்துவம் கொண்ட கதைகளில் நடிக்க ஆர்வத்துடன் உள்ளார்.

கஷ்டமான நடனமாக இருந்தால் எளிதாக ஆடி அசத்தி வரும் சாயிஷா, முழுமையாக நடனம் சம்பந்தப்பட்ட கதையில் நடிக்க ஆசையுடன் உள்ளார். மும்பையில் சொந்தமாக நடனப் பள்ளி தொடங்க திட்டமிட்டுள்ளார். மேலும்,  இதுகுறித்து விரைவில் அறிவிப்பார் என்று எதிர்பார்க்கப்படுகிறது.