தளபதி 66 படத்தில் இணைந்த தமிழ் முன்னணி ஹீரோ நடிகர்!

நடிகர் சரத்குமார் தளபதி 66 படத்தில் முக்கியமான வேடத்தில் நடிக்க உள்ளதாக சொல்லப்படுகிறது.

தளபதி விஜய் நடிக்க இருக்கும் 66 ஆவது திரைப்படத்தின் பூஜை விரைவில் நடைபெறும் என்று செய்திகள் வெளியான நிலையில் இன்று சென்னையில் அந்த பூஜை நடைபெற்று உள்ளது. தளபதி 66 படத்தின் பூஜையில் விஜய், ராஷ்மிகா மந்தனா, சரத்குமார் மற்றும் இயக்குனர் வம்சி உள்பட பலர் கலந்து கொண்டனர். இது குறித்த புகைப்படங்கள் இணையதளங்களில் வைரலாக வருகின்றன.

இந்நிலையில் இந்த படத்தில் நடிகர் சரத்குமார் ஒரு முக்கிய வேடத்தில் நடிக்க உள்ளதாக சொல்லப்படுகிறது. பூஜையில் சரத்குமார் இருக்கும் புகைப்படத்தைப் பகிர்ந்த ராதிகா சரத்குமார் ‘தளபதி 66 படத்தில் சரத்குமார் நடிப்பது மகிழ்ச்சியான விஷயம் ‘ என டிவீட் செய்துள்ளார்.