காமெடியனாக அறிமுகமாகி ஹிரோவாக புரமோஷன் ஆகி வெற்றி பெற்ற நடிகர்களில் ஒருவர் சந்தானம். இவர் ஹீரோவாக நடித்த 'தில்லுக்கு துட்டு', 'சக்க போடு போடு ராஜா', 'தில்லுக்கு துட்டு 2' போன்ற படங்கள் நல்ல வசூலை பெற்றுத்தந்தன.
தற்போது சந்தானம் விஜய் ஆனந்த் டகால்டி படத்தில் ஹீரோவாக நடித்துள்ளார். இந்த படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வரும் இப்படத்தை 18 ரீல்ஸ் சார்பாக எஸ்.பி.சௌத்ரி தயாரித்துள்ளார். இதில் சந்தானத்திற்கு ஜோடியாக ரித்திகா சென் என்பவர் நடித்து வருகிறார். மேலும் இவர்களுடன் யோகி பாபு, ரித்திகா சென், ராதாரவி, தருண் அரோரா, சந்தான பாரதி, மனோ பாலா உள்ளிட்டோர் நடித்துள்ளனர்.
இந்நிலையில் சந்தானத்தின் பிறந்தநாளான இன்று அவருக்கு ட்ரீட் கொடுக்கும் விதத்தில் டகால்டி படத்தில் இடம்பெற்றுள்ள "கொத்தா கொத்துது போத" என்ற பாடலின் புதிய ப்ரோமோ வீடியோ ஒன்றை வெளியிட்டுள்ளனர். இந்த வியோவிற்கு கீழ் அவரது ரசிகர்கள் அவருக்கு வாழ்த்துக்கூறி கமெண்ட்ஸ் செய்து வருகின்றனர்.
