அமரன் பேன் இந்தியா வசூலுக்கு உதவிய சாய்பல்லவி..!

தமிழகத்தைச் சேர்ந்த ராணுவ அதிகாரியான மேஜர் முகுந்த் வரதராஜனின் வாழ்க்கை வரலாற்றை அடிப்படையாகக் கொண்டு, நடிகர் சிவகார்த்திகேயன் நடிப்பில் உருவான ‘அமரன்’ திரைப்படம் நேற்று முன்தினம் (அக்டோபர் 31) தீபாவளி அன்று திரையரங்குகளில் வெளியாகியுள்ளது.

தீபாவளியை முன்னிட்டு அமரன், பிரதர், பிளடி பெக்கர் மற்றும் லக்கி பாஸ்கர் ஆகிய படங்கள் வெளியானாலும் அதில் அமரன் மற்றும் லக்கி பாஸ்கர் ஆகிய படங்கள் மட்டுமே பாசிட்டிவ்வான விமர்சனங்களைப் பெற்றுள்ளன. இதனால் இந்த இரு படங்களுக்கான திரைகளின் எண்ணிக்கை அதிகரிக்கப்பட்டுள்ளது.

இந்நிலையில் அமரன் திரைப்படம் முதல் நாளில் உலகம் முழுவதும் சுமார் 42 கோடி ரூபாய் வசூலித்துள்ளதாக படக்குழு அதிகாரப்பூர்வமாக அறிவித்துள்ளது. தமிழ்நாடு மட்டுமில்லாமல் ஆந்திரா, தெலங்கானா மற்றும் கேரளாவிலும் இந்த படம் பெரிய வசூலை ஈட்டி வருகிறது. இதற்கு சாய்பல்லவி அந்த மாநிலங்களில் எல்லாம் தெரிந்த நடிகையாக இருப்பதும், படம் முழுவதும் அவர் சிறப்பான நடிப்பை வெளிப்படுத்தியதும்தான் காரணம் என்று சொல்லப்படுகிறது.