50 கோடி ரூபாய் சொத்து வைத்துள்ள ஷாருக்கான் மேனேஜர்.. சம்பளம் எவ்வளவு தெரியுமா?
பிரபல பாலிவுட் நடிகர் ஷாருக்கானின் மேனேஜர் பூஜாவுக்கு 50 கோடி ரூபாய் சொத்து இருப்பதாக தகவல் வெளியாகியுள்ளன.
கடந்த 10 ஆண்டுகளாக ஷாருக்கானின் மேனேஜராக பூஜா என்பவர் இருந்து வருகிறார் என்பதும் இவர் ஷாருக்கானின் மனைவிக்கு மிகவும் நெருக்கமானவர் என்றும் கூறப்படுகிறது
ஷாருக்கானின் மேனேஜராக மட்டும் இன்றி ஷாருக்கானுக்கு சொந்தமான ரெட்சில்லி உள்பட ஒரு சில நிறுவனங்களையும் பூஜா தான் மேற்பார்வை செய்து வருவதாகவும் இவருக்கு ஆண்டுக்கு சுமார் 8 கோடி வரை சம்பளம் தரப்படுவதாகவும் கூறப்படுகிறது.
சமீபத்தில் பூஜாவின் சொத்து மதிப்பு ரூபாய் 50 கோடி என்று தகவல் வெளியாகி உள்ள நிலையில் இவர் ஒரு புதிய வீட்டை கட்டி கிரகப்பிரவேசம் நடத்தி உள்ளார் என்றும் அந்த கிரகப்பிரவேசம் நிகழ்ச்சிக்கு ஷாருக்கான் தனது மனைவியுடன் கலந்து கொண்டதாகவும் தகவல்கள் வெளியாகி உள்ளன.
