பொன்னியின் செல்வன் அப்டேட்… திரிஷா & ஐஸ்வர்யா ராய் கதாபாத்திர போஸ்டர் வெளியீடு!

பொன்னியின் செல்வன் படத்தில் நந்தினி மற்றும் குந்தவை ஆகிய இரு கதாபாத்திரங்களில் ஐஸ்வர்யா ராய் மற்றும் திரிஷா ஆகிய இருவரும் நடிக்கின்றனர்.

மணிரத்னத்தின் கனவுப் படமான பொன்னியின் செல்வன் படப்பிடிப்பு விறுவிறுப்பாக நடைபெற்று  கிட்டத்தட்ட முடிந்துவிட்டது. இரு பாகங்களாக உருவாகும் இந்த படத்தில் விக்ரம், கார்த்தி, ஜெயம் ரவி, ஐஸ்வர்யாராய், த்ரிஷா. பிரகாஷ்ராஜ். ஜெயராம். சரத்குமார் உள்ளிட்ட பலர் நடித்து வரும் இந்த படத்தின் முதல்பாகம் அடுத்த ஆண்டு கோடை விடுமுறையில் ரிலீஸ் ஆக வாய்ப்புள்ளதாக சொல்லப்பட்ட நிலையில் இப்போது செப்டம்பர் 30 ஆம் தேதிக்கு தள்ளிவைக்கப்பட்டுள்ளது.

இந்நிலையில் இன்று லைகா நிறுவனத்தின் அதிபர் அல்லிராஜா சுபாஷ்கரனின் பிறந்தநாளை முன்னிட்டு படத்தில் நந்தினி மற்றும் குந்தவை ஆகிய கதாபாத்திரங்களில் நடிக்கும் ஐஸ்வர்யா ராய் மற்றும் திரிஷா ஆகியோரின் கதாபாத்திர போஸ்டர்களை வெளியிட்டுள்ளனர். இந்த புகைப்படங்கள் இணையத்தில் வைரலாகி வருகிறது.