பா விஜய் இயக்கத்தில் ஜீவா நடிக்கும் படத்தின் ‘டைட்டில்’ அறிவிப்பு… மீண்டும் ஒரு பேய்ப் படமா?

தமிழ் திரையுலகின் பிரபல பாடலாசிரியர்களில் ஒருவர் பா விஜய். இவர் ஏற்கனவே ஞாபகங்கள் மற்றும் ஸ்ட்ராபெர்ரி ஆகிய திரைப்படங்களை இயக்கியுள்ளார் என்பதும் ஒரு சில திரைப்படங்களில் நடித்துள்ளார் என்பது குறிப்பிடத்தக்கது. இந்நிலையில் இவர் இயக்கத்தில் பிரம்மாண்டமான படமாக ஜீவா மற்றும் அர்ஜுன் நடிப்பில் மேதாவி தொடங்கப்பட்டது.

ஆனால் தொடங்கி பாதி படம் முடிந்த நிலையில் கிடப்பில் போடப்பட்டுள்ளது. அதற்கு காரணம் நடந்த சில நாட்கள் படப்பிடிப்பிலேயே கிட்டத்தட்ட பல கோடி ரூபாய் செலவாகிவிட்டதாம். அதனால் மேற்கொண்டு படத்தை எடுக்காமல் அப்படியே கிடப்பில் போட்டுவிட்டாராம் தயாரிப்பாளர். படத்தின் பட்ஜெட் அதிகமானதற்கு முக்கியக் காரணம் இந்த படம் ஒரு பீரியட் படம்தான் என்று சொல்லப்பட்டது.

இந்நிலையில் பா விஜய் இயக்கத்தில் ஜீவா நடிக்கும் படத்தின் டைட்டில் ‘அகத்தியா’ என அறிவிக்கப்பட்டுள்ளது. மேதாவி படம்தான் அகத்தியா என டைட்டில் மாற்றப்பட்டுள்ளதா என்ற கேள்வி எழுந்துள்ளது. ஒரு பேய் பங்களா வீட்டைக் காட்டி போஸ்டர் வெளியிடப்பட்டு மீண்டும் ஒரு பேய்ப் படம் என்பதைக் காட்டியுள்ளது. படத்தை இப்போது வேல்ஸ் இண்டர்நேஷனல் நிறுவனம் கைப்பற்றியுள்ளது. படம் அடுத்த ஆண்டு ஜனவரி 31 ஆம் தேதி ரிலீஸாகும் என அறிவிக்கப்பட்டுள்ளது.