விக்னேஷ் சிவன் இயக்கத்தில் ப்ரதீப் ரங்கநாதன் ஒரு படத்தில் நடித்து வருகிறார். இதில் எஸ் ஜே சூர்யா, சீமான் மற்றும் க்ரீத்தி ஷெட்டி ஆகியோர் முக்கிய வேடங்களில் நடிக்கின்றன. லலித்குமார் தயாரிக்கிறார் இந்த படத்தின் ஷூட்டிங் கடந்த சில மாதங்களுக்கு முன்னர் தொடங்கியது.
இந்த படத்தின் ஷூட்டிங் கோவை மற்றும் சிங்கப்பூரில் அடுத்தடுத்து நடந்தது. ஆனால் சில காரணங்களால் கடந்த சில மாதங்களாக ஷூட்டிங் நிறுத்தி வைக்கப்பட்டிருந்த நிலையில் சண்டிகாரில் தொடங்கி நடந்தது. இந்த படத்துக்கு LIK (Love insurance company) என்று தலைப்பு வைக்கப்பட்டுள்ளதாக படக்குழு அறிவித்துள்ளது. சமீபத்தில் இந்த படத்தின் முதல் சிங்கிள் பாடல் “தீமா” வெளியாகி கவனம் பெற்றது.
இந்த படத்தின் இறுதிகட்ட ஷூட்டிங் நடந்து வரும் நிலையில் படத்தில் நிறைய கிராபிக்ஸ் பணிகள் இருப்பதால் படம் அடுத்த ஆண்டு கோடை விடுமுறைக்குதான் ரிலீஸாகும் என சொல்லப்படுகிறது. இந்நிலையில் தீபாவளியை முன்னிட்டு சிறப்பு போஸ்டரை வெளியிட்டுள்ளது படக்குழு. அதில் கையில் விளக்குடன் சேலையணிந்த ரோபோ ஒன்று இருப்பது போல வடிவமைத்துள்ளனர். ஏற்கனவே படத்தின் கதைக்களம் அறிவியல் புனைவுக்கதை என்று சொல்லப்படும் நிலையில் இந்த போஸ்டர் அதை உறுதிப் படுத்தியுள்ளது.
