நேற்று வெளியான விஜய்யின் டிரைலர் மிகப்பெரிய கவனத்தை ரசிகர்கள் மத்தியில் பெற்றுள்ளது. வெளியான ஐந்து நிமிடங்களிலேயே ஒரு மில்லியன் பார்வையாளர்களால் இந்த டிரைலர் பார்க்கப்பட்டு சாதனைப் படைத்தது. ரசிகர்கள் எதிர்பார்த்தது போலவே ஒரு ஆக்ஷன் விருந்தை இந்த டிரைலர் கொடுத்துள்ளதால் விஜய் ரசிகர்கள் கொண்டாடி மகிழ்கின்றனர்.
இந்நிலையில் இந்த டிரைலரில் விஜய் ஒரு இடத்தில் ஆவேசமாக ஒரு மோசமான கெட்டவார்த்தையை பேசும் விதமாக காட்சி அமைக்கப்பட்டுள்ளது. அதிகளவில் குழந்தைகளை ரசிகர்களாகக் கொண்டுள்ள விஜய் தன் படத்தில் டிரைலரில் இப்படி பேசி இருப்பது பலரையும் முகம் சுழிக்க வைத்துள்ளது. ஆனாலும் டிரைலர் வைரலாகியுள்ளது.
இந்நிலையில் இப்போது படத்தின் தயாரிப்பாளர் லியோ படம் LCU வில் இணையுமா என்பது குறித்து பேசியுள்ளார். இதுகுறித்து பேசியுள்ள அவர் “அதை நாங்கள் ரகசியமாக வைத்துள்ளோம். படம் ரிலீஸ் ஆன பின்னர் ரசிகர்கள் அதைப் பார்த்து தெரிந்து கொள்ளட்டும்” எனக் கூறியுள்ளார்.
