மாரி செல்வராஜ் இயக்கிய மாமன்னன் திரைப்படத்தில் வில்லனாக ஃபகத் பாசில் நடித்திருந்த நிலையில் அவரது கேரக்டரின் காட்சிகளை எடிட் செய்து அதற்கு பின்னணியாக ஜாதி பெருமைகள் கூறும் பாடல்களை இணைத்து இணையதளங்களில் சிலர் வைரல் ஆக்கினார்.
இது மிகப்பெரிய பிரச்சினையாக மாறியது. மாரி செல்வராஜ் இந்த படத்தில் என்ன சொல்ல நினைத்தாரோ அதற்கு நேர் மாறாக இந்த வீடியோக்கள் வைரலானது பெரும் அதிர்ச்சியை ஏற்படுத்தியது.
இந்த படத்தின் ஹீரோ போல் ஃபகத் பாசில் கொண்டாடப்பட்டார் என்பதும் குறிப்பிடத்தக்கது. இந்த நிலையில் மாமன்னன் திரைப்படத்தின் போஸ்டரை தனது பேஸ்புக்கில் கவர் ஃபோட்டோவாக ஃபகத் பாசில் வைத்திருந்த நிலையில் திடீரென அவர் அந்த போட்டோவை நீக்கி உள்ளார்.
தனது பெயர் தேவையில்லாமல் ஜாதி பின்னணியில் அடிபடுவதை அடுத்து அவர் இந்த நடவடிக்கையை எடுத்துள்ளதாக கூறப்படுகிறது.
