நடிகர் சூர்யாவின் 'தானா சேர்ந்த கூட்டம்' படத்தின் டீசர், டிரைலர், இசை வெளியீடு மற்றும் படத்தின் வெளியீடு குறித்த தேதிகள் நேற்று வெளியான நிலையில் அவரது தம்பி கார்த்தி நடித்த 'தீரன் அத்தியாயம் ஒன்று' படத்தின் டீசர், டிரைலர் மற்றும் ரிலீஸ் தேதி ஆகியவை சற்று முன்னர் அறிவிக்கப்பட்டுள்ளது.
தீரன் அத்தியாயம் ஒன்று' திரைப்படத்தின் டீசர் வரும் 27ஆம் தேதியும், டிரைலர் அக்டோபர் மாதம் 17ஆம் தேதியும் நவம்பர் 17ஆம் தேதி இந்த படம் வெளியாகவுள்ளதாகவும் அதிகாரபூர்வமாக அறிவிக்கப்பட்டுள்ளது. நேற்று சூர்யா படத்தின் விபரங்களும், இன்று கார்த்தி படத்தின் விபரங்களும் வெளியாகியுள்ளதால் இருதரப்பு ரசிகர்களும் குஷியில் உள்ளனர்.
கார்த்தி, ராகுல் ப்ரித்திசிங், அபிமன்யு சிங், போஸ் வெங்கட், உள்ளிட்ட பலர் நடித்து வரும் இந்த படத்திற்கு ஜிப்ரான் இசையமைத்துள்ளார். சத்யன் சூரியன் ஒளிப்பதிவில் ஷிவானந்தீஸ்வரன் படத்தொகுப்பில் உருவாகி வரும் இந்த படத்தை ட்ரீம் வாரியர்ஸ் பிக்சர்ஸ் நிறுவனம் தயாரித்து வருகிறது.