தனுஷின் அடுத்த படத்தை இயக்கப் போவது இவர்தானா?... வெளியான தகவல்!

பவர் பாண்டி மற்றும் ராயன் ஆகிய படங்களை இயக்கிய தனுஷ் அடுத்து புதுமுகங்களை வைத்து ‘நிலவுக்கு என் மேல் என்னடி கோபம்’ என்ற படத்தை இயக்கி வருகிறார். இந்த படத்தின் ஷூட்டிங் முடிந்து போஸ்ட் புரொடக்‌ஷன் பணிகள் தற்போது நடைபெற்று வருகின்றன.

இதையடுத்து இட்லி கடை என்ற படத்தையும் இயக்கி நடித்து வருகிறார். இதையடுத்து அவருக்கு பல படங்கள் வரிசையாக நிற்கின்றன. இளையராஜா பயோபிக், ராஜ்குமார் பெரியசாமி இயக்கும் படம் என பல படங்கள் வரிசையில் இருந்தாலும் அவருடைய அடுத்த படம் போர்த்தொழில் இயக்குனர் இயக்கும் படமாக இருக்கும் என சொல்லப்படுகிறது.

இந்த படத்தை வேல்ஸ் இண்டர்நேஷனல் நிறுவனம் தயாரிக்க உள்ளது. அதையடுத்து தனுஷ் தமிழரசன் பச்சமுத்து இயக்கும் படத்தில் நடிக்கவுள்ளதாக சொல்லப்படுகிறது. இதன் பின்னர்தான் மற்ற படங்கள் தொடங்கும் என சொல்லப்படுகிறது.