ரஜினியின் ‘கூலி’ விழாவுக்கு வர பணம் கேட்டாரா டி ராஜேந்தர்? பரபரப்பு தகவல்..!

சூப்பர் ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில், அனிருத் இசையில் உருவாகியுள்ள 'கூலி' திரைப்படம் ஆகஸ்ட் 14 ஆம் தேதி வெளியாகவுள்ளது. இந்நிலையில், படத்தின் பிரம்மாண்டமான விளம்பர நிகழ்ச்சி ஆகஸ்ட் 2 ஆம் தேதி சென்னையில் நடைபெற உள்ளது. இதற்கான ஏற்பாடுகள் மும்முரமாக நடைபெற்று வருகின்றன.

இந்த விழாவில் மிகவும் குறைந்த பிரபலங்களே கலந்துகொள்வார்கள் என்று எதிர்பார்க்கப்படுகிறது. இந்த சூழலில், 'கூலி' படக்குழுவினர் சிறப்பு விருந்தினராக கலந்துகொள்ள டி. ராஜேந்தரை அழைத்ததாகவும், அதற்காக அவர் 5 லட்சம் ரூபாய் பணம் கேட்டதாகவும் ஒரு வதந்தி சமூக வலைத்தளங்களில் பரவி வருகிறது.

ஆனால், இந்த வதந்தியை டி.ராஜேந்தர் தரப்பினர் கடுமையாக மறுத்துள்ளனர். "டி. ராஜேந்தர் பணம் கேட்பவர் அல்ல; அவர் பணம் கேட்டதாக கூறப்படும் தகவல் ஆதாரமற்றது" என்று அவரது தரப்பு தெரிவித்துள்ளது.

இந்த வதந்தி, 'கூலி' படத்தின் வெளியீட்டுக்கு முன்னதாக ரசிகர்கள் மற்றும் திரையுலக வட்டாரத்தில் ஒருவித பரபரப்பை ஏற்படுத்தியுள்ளது.

Edited by Siva