விஜய் டிவியில் ஒளிபரப்பாகி வரும் பிக் பாஸ் நிகழ்ச்சியில் கலந்து கொண்டிருக்கும் போட்டியாளர்களின் சம்பளம் குறித்த தகவல் தற்போது கசிந்து உள்ளது.
பிக் பாஸ் நிகழ்ச்சியை தொகுத்து வழங்கும் விஜய் சேதுபதிக்கு 30 கோடி ரூபாய் சம்பளம் என்று கூறப்படும் நிலையில், விஜய் டிவி சீரியலில் நடிக்கும் போட்டியாளர்களான அருண், அர்னவ், சத்யா, வி.ஜே. விஷால், ஜாக்லின், பவித்ரா ஜனனி, சுனிதா, அன்ஷிதா, தர்ஷா, குப்தா, தர்ஷிகா ஆகியோர்களுக்கு தினமும் ரூ.20 ஆயிரம் சம்பளம் என கூறப்படுகிறது.
மகாராஜா திரைப்படத்தில் நடித்ததால் பிரபலமான சாச்சனாவுக்கும், சின்னத்திரை நடிகர் தீபக் ஆகிய இருவருக்கும் மட்டும் 30,000 சம்பளம் என்று தெரிகிறது. மேலும், முத்துக்குமார், ஜெஃப்ரி, சௌந்தர்யா ஆகிய மூவருக்கும் தினமும் 10,000 மட்டுமே சம்பளம் வழங்கப்படுகிறது.
ஆனால் அதே நேரத்தில், சினிமா பிரபலங்கள், தயாரிப்பாளர் ரவிந்தர் மற்றும் நடிகர் ரஞ்சித் ஆகிய இருவருக்கும் 50,000 சம்பளம் என்று கூறப்படுகிறது. கடந்த சீசனில் சில போட்டியாளர்கள் தினமும் ஒரு லட்சம் சம்பளம் வாங்கிய நிலையில், இந்த சீசனில் அதிகபட்சமாக 50,000 மட்டுமே சம்பளம் என்பதால், பட்ஜெட் மிகவும் குறைவு என்று கூறப்படுகிறது.
