மதராசப்பட்டிணம் மூலம் தமிழில் அறிமுகமானவர் எமி ஜாக்சன். தொடர்ந்து ஐ, தாண்டவம், தங்கமகன், கெத்து, தெறி, 2.0 போன்ற படங்களில் நடித்து தமிழ் சினிமாவின் அடையாளமாக மாறினார்.
எமி ஜாக்சனுக்கு ஜார்ஜ் பெனாய்டோ என்ற காதலர் இருக்கிறார். அவரோடு பல காலமாக லிவிங் டூ கெதர் உறவு முறையில் வாழ்ந்து வந்த எமி கர்ப்பமானார். திருமணத்திற்கு முன்பே தான் கர்ப்பமானதை சோசியல் மீடியாவில் எமி பதிவிட அது பெரும் சர்ச்சைக்கு உள்ளாகி அதை பலரும் விமர்சித்தனர். பின்னர் கடந்த சில நாட்களுக்கு முன்னர் தான் பேபி ஷவரிங் நடந்தது. அதில் தனக்கு ஆண் குழந்தை தான் பிறக்கவுள்ளது என்பதை நிரூபிக்கும் வகையில் ப்ளூ கலர் ட்ரெஸ் அணிந்து கொண்டு கேக் முதல் டெக்ரெஷன் வரை முழுக்க முழுக்க ப்ளூ கலரில் அலங்கரித்து ஆண் குழந்தை என்பதை அறிவித்திருந்தார்.
இந்நிலையில் சற்றுமுன் அவருக்கு ஆண் குழந்தை பிறந்துள்ளது. குழந்தையின் பெயர் "ஆன்ட்ரியாஸ்" என குறிப்பிட்டு அழகிய புகைப்படத்துடன் இன்ஸ்டாகிராமில் வெளியிட்டுள்ளார். நண்பர்கள் , ரசிகர்கள் , பிரபலங்கள் என அனைவரும் எமிக்கு வாழ்த்துக்களை குவித்து வருகின்றனர்.