அஜித் தன்னுடைய 62ஆவது படமான விடாமுயற்சி படத்தில் இப்போது கவனம் செலுத்திக் கொண்டிருக்கிறார். இந்த திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இந்தபடத்தின் அறிவிப்பு சில மாதங்களுக்கு முன்னே வெளியாகி இருந்தாலும் இன்னும் அடுத்த கட்ட பணிகள் நடக்கவில்லை. ஷூட்டிங் எப்போது என்பதும் தெரியவில்லை.
இதனால் அஜித் ரசிகர்கள் அதிருப்தியில் உள்ளனர். இந்நிலையில் லைகா நிறுவனத்தில் அமலாக்கத்துறை செய்த ரெய்ட் காரணமாக ஏற்பட்ட பொருளாதார பிரச்சனைகளால்தான் இந்த படம் தொடங்குவது தாமதமாகி வருகிறது என சொல்லப்படுகிறது.
இந்த படத்தை முடித்ததும், அஜித் அடுத்து சிறுத்தை சிவா இயக்கத்தில் சன் பிக்சர்ஸ் நிறுவனத்துக்காக ஒரு படத்தில் நடிக்க உள்ளார். அதன் பிறகு அஜித் நடிக்கும் 64 ஆவது படத்தை ஏற்கனவே அஜித்தை வைத்து சில படங்களை தயாரித்த சத்யஜோதி பிலிம்ஸ் நிறுவனம் தயாரிக்க உள்ளதாக சொல்லப்படுகிறது.
