உண்மையான ஆசிர்வாதம் இதுதான்… சாய்பல்லவி நெகிழ்ச்சி!

உங்களில் யார் அடுத்த பிரபுதேவா என்ற நடன நிகழ்ச்சியில் கலந்துகொண்டு பிரபலமடைந்த சாய் பல்லவி, 2015 ஆம் ஆண்டு வெளியான பிரேமம் திரைப்படத்தின் மூலம் நடிகையாக அறிமுகமானார். அந்த படத்தின் வெற்றி அவரை தென்னிந்திய சினிமா முழுவதும் பிரபலமானார். அதையடுத்து தமிழில் தியா, என் ஜி கே, கார்கி மற்றும் மாரி 2 உள்ளிட்ட ஏராளமான படங்களில் நடித்தார்.  முன்னணி நடிகையாக இருந்தாலும் அவர் நல்ல கதாபாத்திரங்கள் உள்ள படங்களில் மட்டுமே நடித்தார்.

இந்நிலையில் அவர் கடந்த காலங்களில் அஜித்தின் வலிமை மற்றும் விஜய்யின் வாரிசு ஆகிய பட்ங்களில் நடிக்க மறுத்ததாக தகவல் ஒன்று பரவி வருகிறது. இந்த படங்களின் கதை அவருக்கு சென்ற போது, அதில் தன்னுடைய கதாபாத்திரத்துக்கு எந்த முக்கியத்துவமும் இல்லை என்று சொல்லி அவர் நிராகரித்து விட்டார் என்று அதிகாரப்பூர்வமற்ற தகவல்கள் வெளியாகின. அதே போல கிளாமர் வேடங்களில் நடிக்க மறுத்ததாலும் அவருக்கு வாய்ப்புகள் குறைந்துவிட்டதாக சொல்லப்பட்டது. ஆனால் சமீபத்தில் அவர் நடித்த அமரன் திரைப்படம் பிளாக்பஸ்டர் ஹிட்டானது.

இந்நிலையில் அவர் மலையாள ஊடகம் ஒன்றுக்கு அளித்துள்ள நேர்காணலில் “சிறுவயதில் நான் என் குடும்பத்தைப் பணக்காரக் குடும்பம் என நினைத்தேன். ஆனால் நாங்கள் சாதாரணக் குடும்பம்தான். அப்பொது எங்களுக்கு பிறருக்கு உதவி செய்யும் அளவுக்கு வசதியில்லை. ஆனால் இப்போது அதற்கான பணம் என்னிடம் இருக்கிறது. அதுதான் உண்மையான ஆசிர்வாதம் என நினைக்கிறேன்” எனப் பேசியுள்ளார்.