துணிவு, வாரிசுக்குப் பிறகு ஒரே நாளில் 7 படங்கள் இன்று ரிலீஸ்!

இன்று ஒரே நாளில் தமிழ் சினிமாவில் 7 படங்கள் ரிலீஸ் ஆகின்றன. இது தமிழ் சினிமா ரசிகர்களுக்கு மத்தியில் மகிழ்ச்சியை ஏற்படுத்தியுள்ளது.

கடந்த மாதம் ஜனவரி 11 ஆம் தேதி துணிவு மற்றும் வாரிசு ஆகிய இரண்டு முன்னணி நடிகர்களின் படங்கள் ரிலீஸ் ஆகின. அதனால் கடந்த மூன்று வாரங்களாக தமிழ் சினிமாவில் வேறு எந்த படங்களும் வெளியாகவில்லை.

இந்நிலையில் இப்போது இந்த வாரம் வெள்ளிக் கிழமை தமிழ் சினிமாவில் 7 படங்கள் ஒரே நாளில் ரிலீஸ் ஆகியுள்ளன. இதில் ஆர் ஜே பாலாஜி நடிப்பில் ரன் பேபி ரன், சந்தீப் கிஷன் நடிப்பில் மைக்கேல், ஐஸ்வர்யா ராஜேஷ் நடிப்பில் தி கிரேட் இந்தியன் கிச்சன், யோகி பாபு நடிப்பில் பொம்மை நாயகி, சமுத்திரக்கனி நடித்துள்ள தலைக்கூத்தல் மற்றும் நான் கடவுள் இல்லை மற்றும் நான் யார் தெரியுமா ஆகிய 7 படங்கள் ரிலீஸ் ஆகின்றன.

இவை அனைத்துமே சிறிய மற்றும் மீடியம் பட்ஜெட் படங்கள் என்பது குறிப்பிடத்தக்கது.