தமிழில் தயாராகும் விண்ணைத்தாண்டி வருவாயா படத்தை தெலுங்கில் ரீமேக் செய்கிறார் கௌதம் வாசுதேவ மேனன். நாகார்ஜுன் மகன் நாகா சைதன்யா தெலுங்கு பதிப்பில் ஹீரோவாக நடிக்கிறார்.
முதல் படம் மின்னலேக்குப் பிறகு கௌதம் இயக்கும் காதல் படம் என்று விண்ணைத்தாண்டி வருவாயா படத்தை சொல்லலாம். உதவி இயக்குனராக இதில் சிம்பு நடிக்கிறார். அவரது காதலியாக நடித்திருப்பவர் த்ரிஷா. ஏ.ஆர்.ரஹ்மான் இசையமைத்துள்ளார்.
இந்தப் படம் தெலுங்கில் ரீமேக்காகிறது. கௌதமே ரீமேக்கை இயக்குகிறார். சிம்பு நடித்த வேடத்தில் நாகா சைதன்யா நடிக்கிறார். த்ரிஷா நடித்த வேடத்தில் சமந்தா நடிக்கிறார். இவர் ரவிவர்மனின் மாஸ்கோவின் காவிரி படத்தில் அறிமுகமானவர். தற்போது பாணா படத்தில் நடித்து வருகிறார்.
இந்த இரு படங்களும் வெளிவரும் முன்பே கௌதம் படத்தில் நடிக்கும் வாய்ப்பு கிடைத்திருக்கிறது. இதுதானா அதிர்ஷ்டம் என்பது?
