தேவையானப்பொருட்கள்:
பயத்தம் பருப்பு (சிறு பருப்பு) - 1/2 கப்
ஜவ்வரிசி - 1/4 கப்
வெல்லம் பொடித்தது - 1/2 கப்
பால் - 1/2 கப்
முந்திரி பருப்பு - சிறிது
காய்ந்த திராட்சை - சிறிது
ஏலக்காய் தூள் - 2 சிட்டிகை
செய்முறை:
ஜவ்வரிசியை தண்ணீரில் ஒரு மணி நேரம் ஊற வைக்கவும். ஒரு வெறும் வாணலியில் பயத்தம் பருப்பைப் போட்டு சிவக்க வறுத்தெடுக்கவும். வறுத்த பருப்பை குக்கரில் போட்டு அத்துடன் 2 கப் தண்ணீர் சேர்த்து 4 முதல் 5 விசில் வரும் வரை வேக விட்டு எடுக்கவும்.
2 கப் தண்ணீரை கொதிக்க வைத்து, அதில் ஊற வைத்துள்ள ஜவ்வரிசியைப் போட்டு நன்றாக வேக விட்டு எடுக்கவும்.
வெல்லத்தில் அது மூழ்கும் அளவிற்கு தண்ணீரை விட்டு கொதிக்க விடவும். வெல்லம் நன்றாகக் கொதிக்க ஆரம்பித்ததும், அடுப்பிலிருந்து இறக்கி வடிகட்டிக் கொள்ளவும்.
குக்கரைத் திறந்து, வெந்த பருப்பை நன்றாக மசித்துக் கொள்ளவும். திரும்பவும் குக்கரை அடுப்பிலேற்றி, தீயைக் குறைத்து வைத்துக் கொண்டு, வெந்த ஜவ்வரிசியைப் பருப்போடு சேர்த்துக் கிளறவும். பின்னர் அதில் வெல்லப்பாகை விட்டு நன்றாகக் கலக்கவும். பாயசத்தை சில நிமிடங்கள் கொதிக்க விடவும்.
கடைசியில் பாலை ஊற்றிக் கிளறவும். யசம் கெட்டியாக இருந்தால் தேவையான அளவு வென்னீர் அல்லது பாலை சேர்த்துக் கிளறி விடவும். முந்திரி, திராட்சையை நெய்யில் வறுத்து பாயசத்துடன் சேர்க்கவும். ஏலக்காய் தூளையும் சேர்த்துக் கிளறி இறக்கவும். சுவையான ஜவ்வரிசி பருப்பு பாயசம் தயார்.
