சென்னை மாவட்ட கைப்பந்து சங்கம் சார்பில் எஸ்.ஆர்.எம். பல்கலைக் கழகம் ஆதரவுடன் சென்னை மாவட்ட “ஏ” டிவிசன் சீனியர் கைப்பந்து லீக் போட்டி சென்னையில் நடத்தப்படுகிறது.
எஸ்.ஆர்.எம்.- சென்னை மாவட்ட “ஏ” டிவிசன் கைப்பந்து “லீக்” போட்டி வருகிற 26-ந்தேதி முதல் ஜனவரி 12-ந் தேதி வரை எழும்பூர் மேயர் ராதாகிருஷ்ணன் ஸ்டேடியத்தில் நடக்கிறது.
இதன் ஆண்கள் பிரிவில் நடப்பு சாம்பியன் ஐ.ஓ.பி., 2-வது இடத்தை பிடித்த சுங்க இலாகா, இந்தியன் வங்கி, தெற்கு ரெயில்வே, எஸ்.டி.ஏ.டி, ஐ.சி.எப், சத்யபாமா பல்கலைக்கழகம், பனிமலர் என்ஜினீயரிங் கல்லூரி, பி.எஸ்.என்.எல்., தமிழ்நாடு போலீஸ் ஆகிய 10 அணிகள் பங்கேற்கின்றன.
பெண்கள் பிரிவில் டாக்டர் சிவந்தி கிளப், செயிண்ட் ஜோசப்ஸ் என்ஜி னீயரிங் கல்லூரி, ஜி.கே.எம். கிளப், தமிழ்நாடு போலீஸ், எஸ்.டி.ஏ.டி., வேல்ஸ் பல்கலைக்கழகம், கே.சி.ஜி, நெடுங்காடு ஸ்போர்ட்ஸ் கிளப் ஆகிய 8 அணிகள் பங்கேற்கின்றன.
ஒவ்வொரு அணியும் மற்ற அணியுடன் தலா ஒரு முறை மோதும். அதிக புள்ளிகள் பெறும் அணி சாம்பியன் பட்டம் பெறும்.
