உலக கோப்பை தொடரில் முதல் முறையாக பாகிஸ்தான் அணி தொடர்ச்சியாக நான்கு போட்டிகளில் தோல்வி அடைந்துள்ள மோசமான சாதனையை செய்துள்ளது.
இந்தியாவுடன் முதல் போட்டியில் தோல்வி அடைந்த பாகிஸ்தான் அதன் பின்னர் ஆஸ்திரேலியா, ஆப்கானிஸ்தான் மற்றும் தென்னாப்பிரிக்கா ஆகிய அணிகளுடன் விளையாடிய போட்டிகளிலும் தோல்வியடைந்தது.
நேற்றைய போட்டியில் பாகிஸ்தான் வெற்றி பெறும் நிலையில் இருந்தாலும் அதிர்ஷ்டம் இல்லாததால் தென்னாப்பிரிக்கா வெற்றி பெற்றது. 50 ஓவர் உலகக் கோப்பை வரலாற்றில் முதல்முறையாக தொடர்ச்சியாக நான்கு போட்டிகளில் பாகிஸ்தான் அணி தோல்வி அடைந்துள்ளதை அடுத்து அந்த அணியை அணியின் நிர்வாகிகள் மற்றும் வர்ணனையாளர்கள் கடுமையாக விமர்சனம் செய்து வருகின்றனர்.
ஏற்கனவே பாகிஸ்தான் அணி உலகக்கோப்பை தொடரில் இதுவரை 6 போட்டிகளில் விளையாடி அதில் நான்கில் தோல்வி அடைந்து விட்டது. இன்னும் மூன்று போட்டிகள் மட்டுமே இருக்கும் நிலையில் மூன்றிலும் வெற்றி பெற வேண்டும் அதிலும் நல்ல ரன் ரேட்டில் வெற்றி பெற வேண்டும். அவ்வாறு வெற்றி பெற்றாலும் அடுத்த சுற்றுக்கு செல்வது என்பது மற்ற அணிகளின் வெற்றி தோல்வியை பொறுத்தே உள்ளது என்பது குறிப்பிடத்தக்கது
