தமிழக முதல்வர் எடப்பாடி பழனிச்சாமியா? இடிச்சபுளி பழனிச்சாமியா? விக்கிபீடியாவில் மர்மநபர்கள் கைவரிசை

தமிழக முதல்வர் எடப்பாடி பழனிச்சாமி அவர்களின் விக்கிபீடியா பக்கத்தில் புகுந்த மர்மநபர்கள் அவரது பெயரை இடிச்சபுளி பழனிச்சாமி என்று மாற்றியுள்ளதால் பரபரப்பு ஏற்பட்டுள்ளது.

சமீபத்தில் ஆர்.கே.நகர் தொகுதியில் வெற்றி பெற்ற டிடிவி தினகரன், முதல்வரை இடிச்சபுளி என்று விமர்சனம் செய்தார். இதனால் முதல்வரின் பெயரை விக்கிபீடியா பக்கத்தில் மாற்றியது தினகரன் ஆதரவாளராக இருக்கும் என்று கருதப்படுகிறது

இந்த நிலையில் ஒருசில நிமிடங்களில் முதல்வரின் விக்கிபீடியா பக்கத்தில் மீண்டும் எடப்பாடி பழனிச்சாமி என்று மாற்றப்பட்டுவிட்டது. இருப்பினும் இடிச்சபுளி பழனிச்சாமி என்று இருந்தபோது ஸ்க்ரீன்ஷாட் எடுத்த டுவிட்டர் பயனாளிகள் அந்த பக்கத்தை தொடர்ந்து வைரலாக்கி வருவதால் பெரும் பரபரப்பு ஏற்பட்டுள்ளது.