அதிமுகவினரிடம் சசிக்கலா பேசி வரும் வீடியோக்கள் தொடர்ந்து பரபரப்பை ஏற்படுத்தி வரும் நிலையில் தற்போது சசிக்கலாவுக்கு ஆதரவாக பல இடங்களில் போஸ்டரும் ஒட்டப்பட்டு வருகிறது.
அதிமுகவிலிருந்து சசிக்கலா வெளியேற்றப்பட்டு விட்ட நிலையிலும் கடந்த சில நாட்களாக சசிக்கலா தொடர்ந்து அதிமுக தொண்டர்கள் பலரிடம் தொலைபேசி வழியாக பேசி வருகிறார். இதனால் சசிக்கலாவுடன் பேசி வரும் சிலர் சமீப காலமாக அதிமுகவிலிருந்து நீக்கப்பட்டு வருகின்றனர். எனினும் தொடர்ந்து தொண்டர்களிடம் சசிக்கலா பேசும் ஆடியோக்கள் வெளியாகி வருவது அதிமுக அரசியல் வட்டாரத்தில் பரபரப்பை ஏற்படுத்தியுள்ளது.
இந்நிலையில் தற்போது சசிக்கலாவுக்கு ஆதரவாக போஸ்டர்கள் ஒட்டப்பட்டு வருவது மேலும் பரபரப்பை ஏற்படுத்தியுள்ளது. கோவையில் சசிக்கலாவுக்கு ஆதரவாக ஒட்டப்பட்டுள்ள போஸ்டரில் “கட்டளையிடுங்கள் சின்னம்மா காத்திருக்கிறோம். துரோகத்தை வெல்வோம்” என வாசகங்கள் இடம் பெற்றுள்ளது.