மறைந்த முன்னாள் முதலமைச்சரும் திமுக தலைவருமான கலைஞர் கருணாநிதியின் சிலை திறப்பு விழாவில் நடிகர் ரஜினிகாந்த் பங்கேற்க இருப்பதாக தகவல்கள் வெளியாகியுள்ளது.
மறைந்த முன்னாள் முதலமைச்சர் கருணாநிதியின் திருஉருவ சிலை அண்ணா அறிவாலயத்தில் எப்பொழுது நிறுவப்பட உள்ளது என பலராலும் பெரிதும் எதிர்பார்க்கப்பட்டது. இந்த தாமதத்திற்கு சென்னை மாநகராட்சி சம்மதம் தெரிவிக்காததே என கூறப்பட்டு வந்த நிலையில் சமீபத்தில் சிலையை நிறுவ நிபந்தனையுடன் கூடிய அனுமதி அளிக்கப்பட்டது.
அதன்படி கருணாநிதியின் திரூஉருவ சிலை, வரும் டிசம்பர் 16ந் தேதி அண்ணா அறிவாலயத்தில் நிறுவப்படுகிறது என திமுக சார்பில் தெரிவிக்கப்பட்டது. இந்த சிலை திறப்பு விழாவிற்கு சோனியா காந்தி, சந்திரபாபு நாயுடு, நாராயணசாமி உட்பட இந்தியா முழுவதிலும் இருந்து பல்வேறு முக்கியத் தலைவர்கள் பங்கேற்க இருப்பதாக தகவல்கள் வெளியானது.
இந்நிலையில் நாளை நடைபெற உள்ள சிலை திறப்பு விழாவில் நடிகர் ரஜினிகாந்த் பங்கேற்க இருப்பதாக தகவல்கள் வெளியாகியுள்ளது. மேலும் சிலை திறப்பு விழாவிற்கு வரும் சோனியா காந்தி, கருணாநிதியின் நினைவிடத்திற்கு சென்று அஞ்சலி செலுத்துகிறார்.
