ஈஷா நிறுவனம் தங்கள் மகள்களை மூளை சலவை செய்து சன்னியாசம் செய்ய வைத்துள்ளனர் என கோவையை சேர்ந்த பெற்றோர்கள் அளித்த புகாரில் ஈஷா நிறுவனத்திற்கு பல எதிர்ப்புகள் கிளம்பியுள்ளது.
தொலைக்காட்சிகளிகும், ஊடகங்களிலும் ஈஷா நிறுவனத்தை பற்றிய விவாதங்கள் நடைபெற்று வருகின்றன. இந்த சர்ச்சை கடந்த ஒரு வார காலமாக நீடித்து வருகின்றது.
இந்நிலையில் ஈஷா நிறுவனம் மீது மேலும் ஒரு பெற்றோர்கள் புகார் அளித்துள்ளனர். தூத்துக்குடியைச் சேர்ந்த மாரியப்பன், தமிழ்ச்செல்வி தம்பதியினர் மாவட்ட ஆட்சியர் அலுவலகத்தில் புகார் அளித்துள்ளனர்.
அந்த புகாரில், யோகா வகுப்புக்குச் சென்ற 32 வயதான தனது மகன் ரமேஷ் என்கிற பாலகுருவை மூளைச் சலவை செய்தும், ஊக்க மருந்துகள் அளித்தும், மிரட்டியும் பிரம்மச்சாரியம் ஏற்க வைத்ததாக கூறியுள்ளனர்.
