மற்ற நாட்டு நாணயங்களுடன் ஒப்பிடுகையில் இந்திய ரூபாயின் மதிப்பு நன்றாக உள்ளது என மத்திய நிதி அமைச்சர் நிர்மலா சீதாராமன் தெரிவித்துள்ளார்
இந்திய ரூபாயின் மதிப்பு அமெரிக்க டாலருக்கு நிகராக கடும் வீழ்ச்சி அடைந்து வருகிறது என்பதும் நேற்று முன்தினம் 81 ரூபாயை தாண்டி விட்டது என்பதும் குறிப்பிடத்தக்கது
இந்த நிலையில் இந்திய ரூபாயின் மதிப்பு குறித்து மத்திய நிதி அமைச்சர் நிர்மலா சீதாராமன் அவர்கள் கூறியபோது மற்ற நாடுகளின் கரன்சிகளுடன் ஒப்பிடுகையில் இந்திய ரூபாயின் மதிப்பு நன்றாக உள்ளது என்றும் மத்திய நிதி அமைச்சகம் தினமும் இந்திய ரூபாயின் மதிப்பையும் அமெரிக்க டாலரின் மதிப்பை உன்னிப்பாக கவனித்து வருகின்றன என்றும் கூறியுள்ளார்
இந்திய ரூபாயின் மதிப்பு வீழ்ச்சி அடைந்துள்ளதால் ஏற்றுமதி செய்பவர்களுக்கு மிகப்பெரிய லாபம் கிடைத்துள்ளது என்றும் கூறப்பட்டு வருகிறது.
