தமிழக முதல்வராக ஜெயலலிதா நேற்று பதவியேற்றார். அவரது பதவியேற்பு விழாவில் திமுக பொருளாளர் மு.க.ஸ்டாலின் பங்கேற்றார். பதவியேற்பு விழாவில் பங்கேற்றதற்காக முதல்வர் ஜெயலலிதா மு.க.ஸ்டாலினுக்கு நன்றி தெரிவித்துள்ளார்.
தமிழக அரசியல் களத்தில் அதிமுகவும், திமுகவும் எதிரும் புதிருமான கட்சிகள். தமிழக முதல்வராக மீண்டும் பதவியேற்ற ஜெயலலிதாவின் பதவியேற்பு விழாவிற்கு திமுக பொருளாளர் மு.க.ஸ்டாலின் பங்கேற்றார். இது தமிழக அரசியல் அரங்கில் சிறந்த முன் உதாரணமாக பேசப்பட்டது.
மேலும், பதவியேற்பு விழாவில் பங்கேற்ற மு.க.ஸ்டாலினுக்கு முன் வரிசையில் இடம் ஒதுக்காதது குறித்து சர்ச்சையும் உருவாக்கியது. தொலைக்காட்சிகளில் நேற்று இது விவாத பொருளாகவும் மாறியது. இந்நிலையில் முதல்வர் ஜெயலலிதா மு.க.ஸ்டாலினுக்கு நன்றி தெரிவித்துள்ளார்.
விதிகளை தளர்த்தி மு.க.ஸ்டாலினுக்கு முன் வரிசையில் அமர இடம் ஒதுக்க வேண்டும் என அதிகாரிகளிடம் கோரியிருந்ததாகவும் ஜெயலலிதா விளக்கம் அளித்துள்ளார்.
