மதியம் 1 மணி வரை 9 மாவட்டங்களில் மழை பெய்யும்: வானிலை எச்சரிக்கை..!

மதியம் 1 மணி வரை சென்னை உள்பட 9 மாவட்டங்களில் மிதமான மழை முதல் கனமழை வரை பெய்யும் என சற்றுமுன் சென்னை வானிலை ஆய்வு மையம் அறிவிப்பு வெளியிட்டுள்ளது.  

வடகிழக்கு பருவமழை காரணமாக கடந்த சில நாட்களாக தமிழகத்தில் உள்ள பல்வேறு பகுதிகளில் மழை பெய்து வருகிறது என்பதை பார்த்து வருகிறோம். 

அதுமட்டுமின்றி தென்கிழக்கு வங்க கடலில் புயல் சின்னம் தோன்றியுள்ளதால் சென்னை உள்பட வட தமிழக மாவட்டங்களில் அதிக கன மழை பெய்ய வாய்ப்புள்ளது. 

இந்த நிலையில்  மதியம் 1 மணி வரை  சென்னை, செங்கல்பட்டு, காஞ்சிபுரம், திருவள்ளூர், கடலூர், மயிலாடுதுறை, நாகப்பட்டினம், தஞ்சாவூர், திருவாரூர்  ஆகிய 9 மாவட்டங்களில்  மிதமான மழைக்கு வாய்ப்பு என வானிலை ஆய்வு மையம் தெரிவித்துள்ளது. அதேபோல் இன்று இரவு நல்ல மழை பெய்ய வாய்ப்பு இருப்பதாக கணிக்கப்பட்டுள்ளது...

Edited by Mahendran