பாஜக தோல்விக்கு மாநில தலைவர் தான் காரணம் என அரை நிர்வாண போராட்டம் நடத்தியவர் டிஸ்மிஸ் செய்யப்பட்டுள்ளதாக தகவல் வெளியாகி உள்ளன.
சமீபத்தில் நடந்த நாடாளுமன்ற தேர்தலில் தமிழகம் மற்றும் புதுவையில் பாஜக படுதோல்வி அடைந்த நிலையில் புதுவையில் தேர்தல் தோல்விக்கு மாநில தலைவர் செல்வகணபதி தான் காரணம் என்று பாஜக மாநில செயலாளர் ரத்தினவேல் என்பவர் திடீரென அரை நிர்வாண போராட்டம் நடத்தினார்
இதனை அடுத்து நேற்று அவர் தற்காலிகமாக கட்சி பொறுப்பிலிருந்து நீக்கம் செய்யப்பட்ட நிலையில் அதன் பிறகும் ரத்தினவேல் அரை நிர்வாண போராட்டத்தை தொடர்ந்ததால் கட்சியின் கட்டுப்பாட்டை மீறியதாக அடிப்படை உறுப்பினர் பதவியில் இருந்து நீக்கப்பட்டார்.
பாஜக மாநில பாஜக தலைவர் செல்வகணபதியின் இந்த அதிரடி நடவடிக்கை புதுவை பாஜகவில் பரபரப்பை ஏற்படுத்தி உள்ளது. கட்சிக்கு எதிராக நடந்து கொண்டதாக ரத்தினவேல் 6 ஆண்டுகள் நீக்கம் செய்யப்படுவதாக பாஜக மாநில தலைமை அதிகாரப்பூர்வமாக அறிவித்துள்ளது.
