12 மணி நேர வேலை மசோதா திரும்ப பெற வாய்ப்பு இருப்பதாகவும் இந்த மசோதா சட்டத்துறைக்கு அனுப்பப்பட்டதாகவும் செய்தி வெளியாகியுள்ளது.
சட்டப்பேரவை அண்மையில் நிறைவேற்றிய 12 மணி நேர வேலை மசோதா உள்பட 17 மசோதாக்கள், சட்டப்பேரவை செயலகத்திலிருந்து சட்டத்துறைக்கு அனுப்பி வைக்கப்பட்டுள்ளன
மசோதாக்களை ஆளுநருக்கு அனுப்பும் முன்பு சட்ட மசோதாக்களைத் திரும்பப்பெறத் தமிழ்நாடு அரசுக்கு அதிகாரம் உள்ள நிலையில் இந்த மசோதாக்கள் சட்டத்துறைக்கு அனுப்பி வைக்கப்பட்டுள்ளன
இம்மசோதா தொடர்பாக தொழிற்சங்கங்களுடன் அமைச்சர்கள் ஆலோசனை நடத்த உள்ள நிலையில் சட்டத்துறைக்கு அனுப்பப்பட்டுள்ளது!
ஏற்கனவே இந்த மசோதாவுக்கு எதிர்ப்பு தெரிவித்து தொழிற்சங்கங்கள் ஆர்ப்பாட்டம் மற்றும் மறியல் போராட்ட அறிவிப்புகளை வெளியிட்டுள்ளது என்பது குறிப்பிடத்தக்கது.
