கிறிஸ்துமஸ் பண்டிகையை முன்னிட்டு பயணிகளின் கூட்ட நெரிசலைத் தவிர்ப்பதற்காக சென்னை சென்ட்ரல் - நாகர்கோவில் இடையே சிறப்பு ரயில் இயக்கப்பட உள்ளதாக தெற்கு ரயில்வே அறிவித்துள்ளது.
இதுதொடர்பாக தெற்கு ரயில்வே வெளியிட்டுள்ள செய்திக்குறிப்பில், "சென்னை சென்ட்ரல் ரயில் நிலையத்தில் இருந்து நாகர்கோவிலுக்கு இயக்கப்படும் சிறப்பு ரயில் (எண் 0617) சென்ட்ரலில் இருந்து 23ஆம் தேதி இரவு 7.40 மணிக்குப் புறப்பட்டு, மறுநாள் காலை 10.35 மணிக்கு நாகர்கோவிலுக்கு சென்று சேரும்.
மறுமார்க்கமாக, நாகர்கோவிலில் இருந்து சென்னை சென்ட்ரலுக்கு இயக்கப்படும் சிறப்பு ரயில் (0618), நாகர்கோவிலில் இருந்து 24ஆம் தேதி மாலை 4.30 மணிக்குப் புறப்பட்டு, மறுநாள் காலை 8.30 மணிக்கு சென்னை சென்ட்ரலுக்கு வந்து சேரும்.
இந்த சிறப்பு ரயில்களுக்கான முன்பதிவு இன்று தொடங்குகிறது" என்று கூறப்பட்டுள்ளது.
