திருமங்கலம் சட்டமன்ற தொகுதி இடைத்தேர்தலில் அ.இ.அ.தி.மு.க. சார்பில் போட்டியிடும் முத்துராமலிங்கமும், தே.மு.தி.க. சார்பில் போட்டியிடும் தனபாண்டியனும் இன்று தனது வேட்பு மனுவைத் தாக்கல் செய்தார். திருமங்கலம் சட்டமன்ற தொகுதி இடைத்தேர்தல் ஜனவரி 9ஆம் தேதி நடக்கிறது. இதற்கான மனுத் தாக்கல் கடந்த 15ஆம் தேதி தொடங்கியது. வேட்பு மனுத்தாக்கல் செய்ய வரும் 22 ஆம் தேதி கடைசி நாளாகும்.இன்னும் 4 நாட்கள் இருக்கும் நிலையில் அ.இ.அ.தி.மு.க. வேட்பாளர் முத்துராமலிங்கம் இன்று பிற்பகலில் திருமங்கலம் தாலுகா அலுவலகத்தில் தேர்தல் அதிகாரியிடம் வேட்பு மனுத்தாக்கல் செய்தார்.
இதேபோல் தே.மு.தி.க. வேட்பாளர் தனபாண்டியன் தனது வேட்புமனுவை திருமங்கலம் தாலுகா அலுவலகத்தில் தேர்தல் அதிகாரியிடம் இன்று தாக்கல் செய்தார். அப்போது, தே.மு.தி.க. நிர்வாகிகள் உடன் இருந்தனர்.
தி.மு.க. வரும் திங்கட்கிழமை மனுத்தாக்கல் செய்வார் என எதிர்பார்க்கப்படுகிறது.
