திருமங்கலம் தொகுதியில் போட்டியிடும் அ.இ.அ.தி.மு.க வேட்பாளர் பெயர் இன்று அறிவிக்கப்படும் என கட்சியின் பொருளாளர் ஓ.பன்னீர்செல்வம் கூறினார்.
தேர்தல் பணி தொடர்பான ஆலோசனை கூட்டம் திருமங்கலத்தில் நேற்று நடந்தது. சேடப்பட்டி சட்டமன்ற உறுப்பினர் துரைராஜ் தலைமை வகித்தார். இந்த கூட்டத்தில் மார்க்சிஸ்ட் கம்யூனிஸ்ட் கட்சி, ம.தி.மு.க, அ.இ.மூ.மு.க கட்சி நிர்வாகிகள் பங்கேற்றனர்.
கூட்டத்தில் அ.இ.அ.தி.மு.க பொருளாளர் ஓ.பன்னீர்செல்வம் பேசுகையில், ''திருமங்கலம் தொகுதியில் யார் போட்டியிட்டாலும் ஜெயலலிதாவே போட்டியிடுவதாக கருதி தேர்தல் பணியை தீவிரமாக மேற்கொள்ள வேண்டும். நாளை (18ஆம் தேதி) மதியம் 12 மணிக்கு வேட்பாளர் பெயர் அறிவிக்கப்படும். அடுத்த ஒரு மணி நேரத்தில் வேட்பாளர் மனுதாக்கல் செய்வார் என்றார்.
