கடம்பூர் மலைப்பகுதியில் ஆண் யானை சாவு

ஈரோடு செ‌ய்‌தியாள‌ர் வேலு‌ச்சா‌மி

ஈரோடு: கடம்பூர் மலைப்பகுதியில் ஆண் யானை ஒன்று இறந்தது. யானைகளுக்குள் ஏற்பட்ட சண்டையினால் ஏற்பட்ட காயத்தால் இந்த யானை இறந்ததாக தெரியவந்தது.

ஈரோடு மாவட்டம் சத்தியமங்கலம் வனக்கோட்டத்திற்கு உட்பட்டது கடம்பூர் வனப்பகுதி. இந்த வனப்பகுதியில் காட்டுயானைகள் உள்ளிட்ட வனவிலங்குகள் அதிகமாக வசித்து வருகிறது. இதனால் கடந்த மாதம் இந்த பகுதியை வனவிலங்கு சரணாலயமாக அறிவிக்கப்பட்டுள்ளது.

இந்த நிலையில் கடம்பூர் வனப்பகுதியை சேர்ந்த அருகியம் என்ற வனப்பகுதியில் சுமார் பத்து வயது மதிக்கதக்க ஒரு ஆண்யானை இறந்துகிடந்தது. தகவல் தெரிந்ததும் சத்தியமங்கலம் மாவட்ட வனஅதிகாரி ராமசுப்பிரமணியம், வனத்துறை மருத்துவர் மனோகரன் உள்ளிட்டோர் சென்று இறந்த யானையை பரிசோதித்தனர்.

அப்போது மற்றொறு யானையுடன் ஏற்பட்ட சண்டையின்போது அதன் தந்தம் உடை‌ந்து இந்த யானை இறந்தது தெரியவந்தது. அதே இடத்தில் இறந்த யானைக்கு பிரேத பரிசோதனை செய்தனர்.