சென்னை : சூப்பர் ஸ்டார் ரஜினிகாந்தின் 59வது பிறந்தநாளையொட்டி அவருக்கு முதலமைச்சர் கருணாநிதி தொலைபேசி மூலம் வாழ்த்து தெரிவித்துள்ளார்.
இலங்கையில் தமிழர்கள் துயரப்பட்டு வருவதால் இந்தாண்டு தனது பிறந்தநாளை கொண்டாடப்போவதில்லை என்று நடிகர் ரஜினிகாந்த் ஏற்கனவே அறிவித்திருந்தார்.
தற்போது அவரது மகள் செளந்தர்யா ரஜினிகாந்த் இயக்கும் 'சுல்தான் தி வாரியர்’ என்ற அனிமேஷன் படத்தில் நடித்து வருகிறார். ஹைதராபாத்தில் நடந்த வரும் இந்த படப்பிடிப்பில் கலந்து கொண்டு ரஜினிகாந்த நடித்து வருகிறார்.
இந்த நிலையில் ரசிகர்கள் ரஜினி பிறந்தநாளை தமிழகம் முழுவதும் கொண்டாடி வருகின்றனர்.
திருப்பதியில் ரசிகர் மன்றம் சார்பில் ரஜினிகாந்த்துக்கு விசேஷ அர்ச்சனை செய்யப்பட்டது. பின்னர் அங்குள்ள பக்தர்களுக்கு ரசிகர்கள் பிரசாதம் வழங்கினர்.
ரசிகர்கள் சார்பில் சென்னை தி.நகர் முழுவதும் ரஜினியின் கட்-அவுட் வைக்கப்பட்டுள்ளது. அவற்றுக்கு ரசிகர்கள் பாலாபிஷேகம் செய்தனர்.
'எந்திரன்' படம் வெற்றி பெற கோயில்களில் சிறப்பு பூஜை செய்யப்பட்டது.
